أداة متعددة الاستخدامات MultiTool

شرح المود📝

مود "أداة متعددة الاستخدامات MultiTool" لو أنت من محبي ماينكرافت أكيد عرفت قد إيه موضوع الأدوات ممكن يكون معقد ومحتاج تنظيم عشان كده قررت أعمل مود جديد هيغير طريقة لعبك تمامًا ايوا فعلا انا الي عملة فده معناة اي ان المود ده مش هتلاقيه في اي حتة غير هنا اسمه "MultiTool" أو بالعربي "أداة متعددة الاستخدامات"

إيه هو مود "MultiTool"؟ المود ده هدفه إنه يدمج كل الأدوات اللي بتحتاجها في أداة واحدة فقط يعني بدل ما تستخدم فأس(axe) أو مجرفة(shovel) او المنجل (pickaxe)أو الاداة بتاعت الزراعة مش عارف اسمها بلعربي (hoe) او حتى سيف بشكل منفصل هتقدر تستخدم أداة واحدة بتجمع كل المميزات دي معًا

إزاي بيشتغل المود؟ المود بيضيف أداة جديدة اسمها "MultiTool" (أداة متعددة الاستخدامات) الأداة دي بتشتغل كفأس مجرفة سيف بيكاكس او الهو كلها في وقت واحد يعني لما تحتاج تحفر تقطع تضرب أو حتى تبني هتستخدم نفس الأداة بدون ما تضطر تغيرها

مميزات المود:

توفير الوقت: بدل ما تضطر تبدل بين الأدوات المختلفة هتستخدم أداة واحدة

تبسيط اللعب: هيسهل عليك التعامل مع الأدوات المختلفة ويخلي اللعبة أكتر سلاسة

توفير مساحة: هيوفر عليك مساحة كتير لأن هو بياخد مكان واحد بس في الانفنتوري لاكن من غير المود هتاخد 5 مساحات يعني المود ده بيوفرلك 4 اماكن

صور من المود📷

اثبات ان المود من صنع مطورين الموقع

طريقة صنع الأدوات مش محددة زي الي في الصور

طريقة صنع ال MultiTool الخشبية
الدربلتي او قوة التحمل = 300
قوة الهجوم = 6
سرعة التكسير = 5
بتصلحها بي:
mangrove_planks
bamboo_planks
planks
warped_plank
cherry_planks
crimson_planks